Assermentéiert Iwwersetzungen

 

Wat ass eng assermentéiert Iwwersetzung?

Zu Lëtzebuerg bedeit eng assermentéiert Iwwersetzung (och vereedegt Iwwersetzung oder offiziell Iwwersetzung genannt) eng Iwwersetzung, déi vun engem Iwwersetzer gemaach gouf, dee vum Justizministère autoriséiert gouf, en Eed virum Ieweschte Geriichtshaff vu Lëtzebuerg ofgeluecht huet an op der offizieller Lëscht vun de vereedegten Iwwersetzer an Dolmetscher vum Justizministère steet. Eng assermentéiert Iwwersetzung dréit d’Ënnerschrëft (a meeschtens och de Stempel) vum Iwwersetzer, deen esou bestätegt, dass d’Iwwersetzung konform ass. Assermentéiert Iwwersetzunge gi vun de lëtzebuergesche Verwaltungen a Geriichter als offiziell unerkannt.

Fir wéi eng Dokumenter gëtt eng assermentéiert Iwwersetzung verlaangt?

Fir eng Rei vun Demarchë verlaangen d’lëtzebuergesch Verwaltungen eng assermentéiert Iwwersetzung vun Dokumenter, déi net an enger vun den offizielle Sprooche vum Land sinn (Franséisch, Däitsch oder Lëtzebuergesch):

  • Unerkennung vun auslänneschen Diplomer
  • Ufro vun enger Openthalts- an Aarbechtserlaabnis
  • Bestietnis vun engem Auslänner zu Lëtzebuerg
  • Unerkennung vun auslännesche Geriichtsuerteeler
  • Naturalisatioun

Beispiller vun Dokumenter fir déi eng assermentéiert Iwwersetzung ka verlaangt ginn:

  • Gebuerts-, Bestietnis- a Stierfakten
  • Auszich aus dem Casier judiciaire
  • Diplomer an Notten
  • Geriichtsuerteeler
  • Zeienaussoen
  • Notariell Akten
  • Auszich aus dem Handelsregister
  • Administrativ Attestatiounen
  • Prokuratiounen
  • Identitéitsdokumenter
  • Rapporte vun der Police
  • Testamenter

Ginn assermentéiert Iwwersetzungen ausserhalb vu Lëtzebuerg akzeptéiert?

An de meeschte Fäll, jo, mä well et keng allgemeng Regelen iwwer d’Unerkennung vun assermentéierten Iwwersetzungen am Ausland gëtt, recommandéieren ech Iech, Iech am Viraus bei der auslännescher Verwaltung, déi d’Iwwersetzung verlaangt, ze renseignéieren. Heiansdo gëtt fir assermentéiert Iwwersetzungen, déi fir d’Ausland bestëmmt sinn, eng Apostille (Legalisatioun vum Iwwersetzer senger Ënnerschrëft) verlaangt. D’Apostille ka beim Legalisatiounsbüro vum lëtzebuergeschen Ausseministère ugefrot ginn.

Däitsch > Franséisch
Spuenesch > Franséisch
Englesch > Franséisch
Lëtzebuergesch > Franséisch

Gratis Devis fir d’assermentéiert Iwwersetzung vun Ären offiziellen Dokumenter

Vertraulechkeet garantéiert